పెండింగ్‌లో ఉన్న ట్రాఫిక్ చలాన్లను వసూలు చేసేందుకు కొత్త మార్గాలను పరిశీలించాలని సుప్రీంకోర్టు సూచించింది. ఇందులో భాగంగా చెల్లించని ట్రాఫిక్ చలాన్లను విద్యుత్ బిల్లుతో అనుసంధానించి వసూలు చేసే అవకాశాన్ని కూడా కోర్టు ప్రస్తావించింది.
అయితే, ట్రాఫిక్ చలాన్ కట్టకపోతే వెంటనే కరెంట్ బిల్లులో ఆ మొత్తాన్ని కలిపేస్తారు అనే ఆదేశం ప్రస్తుతం అమల్లోకి రాలేదు. ఇది సుప్రీంకోర్టు విచారణ సందర్భంగా వచ్చిన సూచన మాత్రమే.
పెండింగ్ చలాన్ల వసూళ్ల కోసం వాహన రిజిస్ట్రేషన్, డ్రైవింగ్ లైసెన్స్, PUC వంటి సేవలను అనుసంధానించే మార్గాలపైనా చర్చ జరిగింది.
గమనిక: ఈ విధానం అమలులోకి వస్తుందా లేదా అనేది సంబంధిత అధికారుల తదుపరి నిర్ణయాలు, ఆదేశాలపై ఆధారపడి ఉంటుంది.
